Inrinni kalta khan Zawlnuam bul, Zawlpui khuaa thianho mi 9 chawhmeh zawnga ramvak chuan ramhnuai hmun pakhatah Tuikuk mipa rualkhat, buk pakhata an awm lai an hmu a. Tuikuk hel an nih ringin an um a, an zinga pakhat chu ral atangin silai ni ngeia hriat hmangin kah tumin an lo tin a, hei hi midangin lo hmu in an tawlh let leh a, an inthathen zui mai niin thu dawn a ni.

 

 

Ramvak ten Tuikuk hel hmuha an hmuhte hi mi 7 vel an ni a. He thil thleng hi Police-ah report nghal niin, Tuikuk hel nia rinte lo awmna leh a chhehvel te pawh uluk taka enfiahin Patrolling te neih nghal a ni a. Mahse, tumah hmuh tur an lo awm tawh loh avangin, helai ram vela lo neitu thenkhat, an lo leh thlai ngaihvena awm an nih a rinawm tiin Mamit SP chuan The Zozam Times a hrilh.