In inkarah boruak tha lo tak a inzarpharh mek tih i hre duh em?A chezia leh tawngkam atangin tunkar pawh hi indaih lo mai ang tih engtinnge i hriat theih ang?

A tha e...ngaihtuah thui vak lovin 'Unlucky - 7' hmang hian i dinhmun hriat tum rawh le. Heti ang thil hi i hmuh lai ngeia a rawn thlen chuan i chhas in a ban hnai tawh che tihna a ni ang.

1. I kezungpui kawhna lam apiangah i rilru a awm
Taksa chetna lama mithiam tak Patti Wood chuan,"Mi tu emaw te nena in inbiak laiin i chhas kezungpui kha a khat tawkin en zeuh thin la, i lam a hawi tir a nih chuan thlamuang takin awm la, chutilova midang zawna a hawi tir a nih vaih zawngin tah leh ha thialna a hnai tih hre vat ang che,” a ti.

2. Laklawh laia a tawp thutin
Phone a inbiak laia enge a chhan leh vang pawh hriat lohva engemaw thil phur awm tak tihtur nei ang ziazanga inbiak lai tihtawp talh a tum chuan inenfiah ang che. A biak lai che a, thil tharlam deuh engmah sawi tur nei lova, thu a sawi a sawi chuan tawpna kawng-khar a hnai tawh tih hre bawk ang che.

3. Hmalam hun tur a titi pui tawh lovang che
Chhas te nen emaw kawppui te nena in inbiak lai leh khunkhan taka hmalam hun sawi a lo ngaih changa sawi tur vak a neih lohvin emaw phur lo zeta a sawi liam luam a nih chuan thil a kal fuh lo tih hriain chinfel dan kawng zawn vat a tha. Hmalam hun lo thleng tura phurna a neih loh chuan in inkar boruak a chhe tan mek tihna a ni thei.

4. Rinna a nghat ngam ta lo
In pahniha in awm dun laia, 'Mahni chauhva inngaih-tuahna hun ka mamawh' a tihin emaw 'Midang kan rawn vat a tha' tia a sawi reng chuan i lakah beisei a nei tlem tial tial tih hre rawh.

Midang rawn a tha lo kan tihna a nih loh rualin heti ang lam hawi zawnga thu a sawi reng chuan nang-mahah rinna a nei tam tawh lo tihna a nih theih tlat avangin a tlai hmaa tihfel ngai zawng zawng tihfel vat kha a tha e.
5. Vei lam a melh chhen chuan a fuh tawh lo

Mithiam tak Bill Raduenz chuan mihringin vei lam a melh deuh vang vangin emaw i han biak pawha vei lam a en deuh tlat chuan kha i biaka khan i chungah 'rinawmna dik tak' a lan tir tlem sawt hle tihna a ni' tiin a sawi. Thluak vei lam hian thil thar  ngaihtuahchhuahna hna pawimawh tak a thawh thin avangin hmelthar te pawh a lo tawng a ni mai thei a sin.

6. A kutziak atangin i hre thei
Graphologist Karen Wein-berg chuan tihian a sawi, "Mihring tu pawhin an inkar boruak tihtawp emaw dahbo an duh reng rengin an kutziak leh thuziak atangin awlsam tein a hriat theih. Entirnan: LOVE tih an ziah laiin 'E' te an han hmaih deuh tlat thin a,  LOV tih tlawng a rawn ziak a nih chuan engemaw tak chu a thleng tan mek tih hria ang che. Tin, i hming a ziah dan thin lo ang taka a size a tihtet deuh chuan a laka i pawimawhna a te tial tial tih hmuh thiam tum ang che," a ti.

7. A thinrimna a awm reng em?
Engemaw deuh hleka tih tauh reng maite leh thil ho tea lang si- sawi deuh reng a tum chuan a chhangkham deuh tawh che tihna a ni thei a, a hawiher dan leh a tawngkam chhuak atang tein engemaw chen chu a hriat lawk theih a ni.