Indian Air Force Eastern Air Command, Air Marshal KK Nohwar chuan vawiin khan Chief Minister Lal Thanhawla chu a chenna bungalow-ah kawm -in, Indian Air Force (IAF) in Lengpui Airport-ah Jet Fighter 4 tal dah an duh thu a hrilh a. CM chuan IAF mamawh thilah Mizoram sorkar atanga harsatna a awm loh tur thu a lo hrilh.

 

 

 

Lengpui Airport-ah Indian Air Force ten Jet Fighter 4 tal dah an duh chungchangah Jet Fighter 1 zel dahna tur ‘Blastpan’ 4, cement concrete-a sak,  metres 35 leh 25 bial zela lian hmun tur Airpirot-a thlawhna tlan kawng (Runway) thlang lamah remchang thei se tiin a rawt a. Chief Minister chuan IAF mamawhte chu Mizoram sorkar atang chuan har-satna a awm loh tur thu hrilhin, “Defence lama pawi-mawhna kan nei ve thei a nih chuan theihtawp kan chhuah ang,” a ti.

 

 

Air Marshal chuan Mizoram chhim lama Zokhawtlang hmuna Surveillance Radar dah tur chungchanga survey neih mek a nih thu Chief Minister hi a hrilh a. Hemi atan hian hmun zau tawk tak, school, canteen leh intihhlimna hmunte a awm tur thu sawiin, tualchhung mite pawhin an chhim ve theih tur thu a sawi bawk.

 

 

Air Marshal hi Wing Commander, SM Chaudhury-a’n a tawiawm a, Chief Minister hi a nupui Lal Riliani bakah Wg.Cdr.(Rtd) Lalzawma, Principal Consultant, Civi Aviation leh RL Rinawma, Mizoram sorkar Secretary ten an tawiawm.