Health worker training tur interview result chu vawiin tlai khan a chhuak a, mi 448 zingah mi 60 an tling a, tattoo nei leh bengbeh uar lutuk te chu hnawl an ni.

 

Health worker training te hian kum kaltaa chhung khan NRHM hnuaiah hna an hmuh nasat avangin kumin pawh hian health worker training tur seat 60 chu diltu an tam hle a. Mi 2729 in written exam beiin mi 448 in a pass a, heng zing atang hian mi 60 te hming hi nimin tlai khan tar chhuah a ni ta a ni.

Health worker training tur hian central lam chuan hmeichhia chauh an duh a, hetih lai hian Mizoramah chuan hmun kilkhawr tak tak a awm avangin mipa leh hmeichhe tan seat 30 ve vein an sem a ni.

Health Worker Training School, Kulikawn-a Principal Medical Officer Dr.Ramfangzauva chuan, ‘Kan hun kal tawh atangin taksaa tattoo neite leh bengbeh pangngai baka nasa taka bengverh chi reng reng te chu enkawl an harsat avang -in kan hnawl zel tawh a, training tur hi kan la uluk hle a ni,’ a ti.

Training tura thlan-chhuah mi 60 te hian August ni 2 atangin class an tan dawn a ni.