Police ten Rs.23,35,304/- tichingpena puh an man Lalchhuankima, Aizawl venglai chu kum 1999-ah SBI sum cheng nuai 10 vel tichingpena puh anga sawi chungchangah, hetih laia a thawhpui zing ami pakhat chuan kum 1999 ah hian sum tichingpena puha man a ni lo tih a sawi.

 

Hetih hun lai hian hmun dang atanga bank draft lem hmanga pawisa lakchhuah chungchangah hian police lamin an chhui hnu-ah CBI te pawhin an chhui a. Helai hmuna thawktute chu tumah thu zawhfiah pawh an nei lem lo niin a sawi bawk.

Kum 1999 hian Lalchhuankima hi suspend a ni lo a, man a nih loh mai bakah a thutna pawh a sawn eih lo a, bail ngai pawhin a awm lo hrim hrim a. Assistant Manager atang-in Dy.Manager-ah a kaisang hial zawk a ni, a ti bawk.